දැන්නම් ඉතින් කතාවක් දාන්නත් වෙලාව හරි. ඔන්න ඉතින් අපේ චොකා මල්ලි (සමාවෙන්න ඕනා.. මේ කතා කරන්නේ අර රත්නපුර පැත්තෙ චන්දෙ ඉල්ලපු ප්‍රේමලාල් ජයසේකර මහත්තයා එහෙමත් නැත්නම් ඒ චොකා මල්ලි ගැන නෙවෙයි.. අපේ නිමන්ත කොලුවා ගැන. අපි ආදරේට කියන්නෙ චොකා මල්ලි කියල තමයි.. හිහ් හිහ්..)
කොහොමින් කොහොම හරි මෑන්ස් හා හා පුරා කියල ගත්තු කැමරාවත් මේ අපේ කල්පිටි ගමනට සෙට් කරගත්තා.. දන්නවනෙ ඉතින් අපේ මිනිහට කැමරාවක් ලැබුනොත් කොහොමද කියලා... හරියට විමලෙට කඩුවක් ලැබුනා වගේ තමයි.. ආහ් ඒ කතාව දන්නෙ නැද්ද? එහෙනම් පහල රූපෙ බලන්නකො..
මේක උපුටා ගත්තෙ "ඇට මැස්සා" ගෙන්. එයා නම් තරහ වෙන එකක් නැහැ. කොහොම උනත් චොකාට නියමෙට ගැලපෙනවා.. එහෙම නේද?
දැන් එහෙනම් ආයිත් කතාවට හැරෙමු.
කොහොමින් කොහොම හරි අපි කල්පිටියටත් ගියා කියමුකො. චොකාට මාර අප්සෙට්. මෑන්ස් මොන මොනවදෝ තනියම කියවනවා. අපිත් බැලුවා මොකද මේ කියලා. මෑන්ස් කාටදෝ දොස් කියනව වගේ තමයි තේරෙන්නෙ. කෝකටත් උගෙ මස්සිනා වෙච්ච.. සමාවෙන්න.. මස්සිනා වෙන්න ඉන්න අන්කල් (නම නම් රුසිරු.. එයා ගැනට් කතා එමටයි.. ඒවා ඉඩ ලැබෙන විදියට කියන්නම් කෝ..) යවලා බැලුවා මොකද්ද අප්සෙට් එක කියලා හොයාගන්න.
බැලින්නම් අපි වාහනෙ නැවැත්තුවෙ නැතිලු මෑන්ස්ට පොටෝ එකක් ගන්න.. මාර ෂොට් එකක් ලු... ලස්සනයි ලු.. අපරාදෙ ලු.. ආයෙත් ගන්න ලැබෙයිද දන්නෙ නැතිලු... කතන්දර කෝටියයි...
අපිටත් මුගෙ කන්දොස්කිරියාව ඉහටත් උඩින්...
මොනවා කරන්නද අහගෙන ඉන්නව මිසක්. මෑන්ස්ට හිටි ගමන් මළ පැනලා කියාපි.. "මම හෙට උදෙන් ම යනව එතනට තනියම. මට කවුරුත් එපා. මම තනියම ගිහින් පොටෝ එක ගන්නව" කියලා.
කමක් නැහැ ඉතින් පොඩි එකාගෙ ආසාවනෙ කියල අපිත් වෑන් එකේ යතුර චොකා ගෙ කාමරෙන්ම තිබ්බා.
ඊළග දවසේ උදේ.. බැලින්නම් චොකා මිසින්.. පටාස් ගාලා බැලුවා වෑන් එක තියෙනවාද කියලා.. නෑ.. පොර තනියම පොටෝ ගන්න ගිහින්..
ඔන්න පැය බාගෙකට විතර පස්සෙ චොකා ආවෙ හරියට ලෝකෙ තියෙන ලොකුම බරෙන් (මොනවද කියල නම් අහන්න එපා..) නිදසස් උනාටත් වඩා සතුටින්. මොකද දන්නවද..? කොහොමහරි අර මිස් වෙච්ච පොටෝ එක අරන්.. දැන් ඉතින් රටක් රාජ්ජයක් ලැබුනු ගානයි...
අපිටත් ඉතින් කහනව නෙ.. මූ ගත්තු පොටෝ එක බලන්න මාර යුද්දයක්.. ඒක පෙන්නන්නෙ නැතිව මුගෙ වර්ණනාව... හප්පොච්චියේ මොනවා කරන්නද.. අපිටත් ඉතින් උණ නෙ ඒක බලන්න ෆුල් ට්‍රයි එක.. ඕන්න ඔයාලත් බලන්න කො චොකා ගෙ ටොප් මොඩ්ල් ගෙ පින්තූරෙ..
මම බොරුවක් හෙම නෙවෙයි කරන්නෙ.. බොරුනම් පොටෝ එක පහල තියෙන පොඩි අකුරු ටික කියවන්න කෝ... බලන්න... පොටෝ ගත්තා මදිවට ඒකට අයිතිවාසිකම් එහෙමත් කියල තියෙන්නෙ ඔය අපූරුවට... හිහ් හිහ්....
ආයෙත් අලුත් පෝස්ට් එකකින් හමු වෙමුකො.... දන්නවනෙ මම කවුද කියල.. හනියා ම තමයි ඉතින්.. ඕන් මම ගියා..
